На 28 февруари 2024 година во рамките на проектот „Универзитети без корупција во Албанија, Северна Македонија и Србија“, ИСИЕ организираше неформален работен состанок со шест пратеници на Собранието на Република Северна Македонија (Комисија за образование, наука и спорт). На средбата беа презентирани и дискутирани наодите од „ Студијата за перцепција на корупцијата во високото образование во Албанија, Македонија и Србија “. 

На состанокот присуствуваа и член на Државната комисија за спречување на корупцијата и генералниот секретар, како и претставник на студентските организации и претставници и проектните партнери од IDRA (Тирана)   и CESID (Белград) .

Освен тоа, се разговараше за потенцијални парламентарни иницијативи во насока на подобрување на системот за заштита од корупција во високото образование.

Слични настани ќе бидат организирани во март во Белград и Тирана.Проектот се реализира со поддршка СМАРТ БАЛКАН – Граѓанско општество за

поврзан Западен Балкан ( SMART Balkans ), регионален проект имплементиран од Центарот за промоција на граѓанското општество (ЦПЦД Centar za promociju civilnog društva ), Центарот за истражување и креирање политики (ЦРПМ Center for Research and Policy Making ) и Институтот за демократија и медијација (ИДМ IDM Albania ) и финансиски поддржан од норвешкото Министерство за надворешни работи (НМФА Norwegian Embassy in Belgrade ).