Konferenca përfundimtare e projektit “Universitete Pa Korrupsion në Shqipëri, Maqedoninë e Veriut dhe Serbi” do të mbahet më 27 Gusht 2024, në Beograd. Ky event i rëndësishëm shënon kulminimin e përpjekjeve për të promovuar transparencën dhe integritetin në institucionet e arsimit të lartë në këto tre vende.

Konferenca, me temë “Arritjet dhe Perspektivat – Ndërtimi i Universiteteve Pa Korrupsion”, do të mbledhë së bashku aktorët kyç, duke përfshirë përfaqësues të universiteteve, politikëbërës, organizata të shoqërisë civile dhe studentë, për të reflektuar mbi progresin e bërë gjatë projektit dhe për të diskutuar të ardhmen e arsimit pa korrupsion. Pjesëmarrësit do të kenë mundësinë të marrin pjesë në diskutime paneli, të ndajnë mendime dhe të eksplorojnë qasje inovative për të luftuar korrupsionin në akademi.

Mund të shkarkoni programin e plotë të konferencës përmes linkut, e cila përfshin agjendën, folësit dhe sesionet e panelit. Ky event premton të jetë një platformë e vlefshme për shkëmbim njohurish, bashkëpunim dhe promovim të praktikave më të mira që synojnë sigurimin e integritetit të sistemeve arsimore në rajon.
Ndërsa projekti po përmbyllet, konferenca do të shërbejë si një platformë për të festuar arritjet, për të adresuar sfidat në vazhdim dhe për të hartuar një rrugë përpara për përpjekjet e vazhdueshme në krijimin e universiteteve pa korrupsion në Ballkanin Perëndimor.

Projekti “Universitete Pa Korrupsion në Shqipëri, Maqedoninë e Veriut dhe Serbi” ka qenë një përpjekje bashkëpunuese, e mbështetur nga granti rajonal i projektit “SMART Ballkan – Shoqëria Civile për Shoqëri të Përbashkët në Ballkanin Perëndimor”. Kjo nismë rajonale zbatohet nga Centar za promociju civilnog društva (CPCD), Qendra për Kërkime dhe Politika Publike (CRPM) dhe Instituti për Demokraci dhe Ndërmjetësim (IDM), me mbështetje financiare nga Ministria e Punëve të Jashtme të Norvegjisë (NMFA).